一大清早, check out前再到風呂浸一浸, 精神爽利, 到Mazda拿車開始旅程的第二天。誰知晴天霹靂, Timさん漏帶香港駕駛執照, 工作人員還指定要求正本, 說是什麼上頭指示不得更改云云 ...
幸好 Tim さん從不被這類 "Jargon" 拋窒, 繼續"耐心交涉"(即企硬), Mazda 終肯接受Scan Copy, 我們才可繼續這Tastingの旅 (註: 感謝表弟の極速宅急便, Mazdaの服務態度 ... 更佩服其對原則的堅持 ... )
マルトマ食堂 11:00 am
等候表弟從將軍澳至苫小牧の宅急便期間, 到這家苫小牧No.1人氣地道食堂醫肚。位於漁港旁邊のマルトマ, 食物真係又平又新鮮, 不用多想, 總之これ、これ、とこれ ... 見一樣點一樣 ...
ホッキーカレー 1000円
Ricky さん大讚的北寄貝咖喱飯, 大大碟濃甜咖喱, n 件新鮮大片北寄貝, 雖然汁底略杰, 仍極速清碟。
海鮮ミックス丼 1500円
剌身多款大大碗, 兩個女仔Share 都夠, Timさん略嫌驚喜不足, 但同意CP值非常高 (註:同級海鮮丼北のグルメ賣近3000円... )
ホッキー汁 400円
非常鮮甜Original, 果然係北寄貝漁港旁的北寄貝湯!
ホッキー君 1:30 pm
北海道年產5,000噸北寄貝當中, ホッキー君佔了1,500噸。如此來頭, 加上Ricky/Sukiさん大讚, 又順路, 雖然傾盤大雨, 仍然要來一試 ...
原本大雨下無法露天燒北寄貝, 但老板娘見我們又狠狽又為食, 就在店外天頂下即席設個燒烤爐還我們心願。
白貝, ホッキー, ホタテ
新鮮即開即燒, 能嚐到帶著海水的原汁原味。看著白貝貝殼彈開便可即食, 貝肉甜美, 但鮮度驚喜度皆遠不及うろこ。
果然盡信書(食家)不如無書, 其實Michelin也好, Tabelog也好, 名人食家也好, 都係一場意見一場Show, 總有其參考價值, 但又不需盡信不必太認真。
道產北寄貝醬油, Timさん媽咪到今天仍wonder為何漏買此手信, 真係如入寶山空手回...
雨勢愈落愈Cats & Dogs, 只好提早返回札幌。
札幌エスタ 7:00pm
(口講冇要求但 ... )極其咀习のTimさん,百貨公司地下食街竟係佢杯茶。佢認為札幌兩個地庫食街皆價廉物美,エスタ更係佢每次到札幌のmust go!
十勝大名 - 紅豆魚形燒
用100%十勝小豆(註:無論香港日本坊間很多掛十勝頭, 賣內地製紅豆)即時新鲜製造のたい焼, 外型可愛, 豆味極濃。手執一個, 感覺幸福。緊記別在繁忙時間幫襯, 因為一定要排長龍!
串燒
單看陣容和賣相已夠吸引..特別推介鹽燒雞翼, 放涼叮熱一樣好味! 雞癡Timさん大讚其雞身廋廋却雞味濃濃。
半熟Cheese cake
好似我Genkibibi 愛吃cheese cake 的朋友請不要錯過這半熟的感覺...入口非常柔軟鬆化, cheese味濃厚得恰到好處。配合一杯紅茶一起享用, 份外滋味!
陳健一四川担担麵
健康OL/大長今可能會略感肥膩, 但果然係陳健一Fans (即Timさん)推介, 的確做得很出色很滋味!
コロッケ
健康OL/大長今的另一大敵, 但面對這南瓜薯餅, 我 Genkibibi 唯有暫時假設北海道炸物唔肥唔熱氣 ...
還有很多不同種類的手製飯團, 道產蔬菜Salad ... 數之不盡, 總之得閒食唔得閒影... Nevertheless, 無論CP值or 滿足感計,エスタ真係 must go!
一幻えびそば 8:30pm
與一幻結識可算係一場偶遇。本想到金壽司, 致電後 "confirm" 冇預約冇座位, 果然人氣。唯有轉移陣地吃拉麵, 本想到五丈原, 但司機大叔卻極力阻撓, 再三堅持我們捨五丈原取一幻。我們一眾食人無不被他的食Heart 打動 ... 好, 即管一試! 噢, 果然麵身爽滑彈牙, 湯底蝦味濃郁, 令我平生第二次 "乾碗" (第一次@山頭火本店)。
Hokkaido 真係 Hokkaido, 即使在街邊平民食店掃街, 也可嚐到いろいろ美味食材, 無怪我們由苫小牧掃到札幌。掃了一整天, Take a Break, 明天開始 Visit 大會指定景點。
