清蒸, 白烚 為上策?

外出吃飯的日子較多, 有時候總想在家下廚吃吃住家菜。但又不想下太多工夫, 花太多時間? 清蒸, 白烚 就是我的上策! 只要食材夠新鮮, 同樣可做到美味餸菜, 且多加幾份健康...

蒸大條紅衫魚 - 最重要是選一條新鮮靚魚。選魚最重要看它的眼睛, 眼睛靚圓大而有神, 就是一條好魚! 不去魚鱗, 洗淨抹乾後掃上少許鹽, 放蔥墊底, 薑片蔥鋪面。水大滾加蓋蒸6分鐘便可以啦。

蒸牛肉片 - 最好當然是選牛頸脊, 但為求方便, 到超市買牛肉要求幫忙切片。買回來醃肉後加蒜片一起放進電飯煲內隔層蒸。飯熟牛肉便ok, 簡單方便呢!
加一條潤腸, 魚乾仔在飯內一起煮, 飯更香噴哩!

放入薑和蒜頭白烚油麥菜, 上碟後加上紅衫魚的魚汁, 也不錯吧!
吃罷煲子清洗方便, 擔當洗碗角色的Timさん當然大讚這清蒸, 白烚大法啦...! :-)